Облыстық қоғамдық даму басқармасының «ҮЕҰ мен қоғамдастықты қатыстыра отырып қоғамдық кеңестермен жүргізілетін қоғамдық бақылауды дамыту» әлеуметтік жобасының аясында үстіміздегі жылғы тамыздың 16-күні «Қоғамдық кеңес мүшелерінің қоғамдағы ролі мен қызметінің тиімділігін арттыру» бойынша Қармақшы аудандық қоғамдық кеңес мүшелеріне арналған көшпелі оқыту семинары өтті.

Отандастар қоры» КЕАҚ Ақпараттық-талдау департаментінің басқарушы директоры Нұрхан Жалиев Бұқарбайұлының тренерлігімен өткен оқыту семинарына Қармақшы аудандық қоғамдық кеңес мүшелері және аудандық мәслихат хатшысы Әділ Қошалақов Үсенұлы қатысты.

Семинар барысында «Қоғамдық кеңестер туралы» ҚР Заңының 5 және 17-баптарына сәйкес Қоғамдық кеңестердің өз өкілеттіктері шеңберінде қоғамдық мониторинг, қоғамдық тыңдау, қоғамдық сараптама және мемлекеттік орган жұмыстарының жұмыс нәтижелері есепті тыңдау сияқты қоғамдық бақылау нысандарын жүргізудің мақсаттары мен тәсілдері, сондай-ақ 2015 жылғы 16 қарашадағы «Ақпаратқа қол жеткізу туралы» ҚР Заңына сәйкес қоғамдық бақылау объектісінің қызметі туралы ақпаратқа қол жеткізу жөніндегі нақты мәселелер төңірегінде хабарлама жасалды.

Оқыту семинарына қатысушылардың тақырып төңірегіндегі сұрақтарына жауаптар беріліп, пікірлер алмасты. Семинар соңында қатысушылар сертификаттармен табысталдық.