Ұлы ақын, ойшыл Абай Құнанбайұлының мұрасын ұрпақ санасында жаңғырту, шығармашылығымен таныстыру мақсатында 10 тамыз күні Қармақшы ауданының оқушылар үйіндегі «Тілашар», «Жазғы TIME», «Ақ қауырсын» үйірмелерінің оқушылары орталық балалар кітапханасына саяхат жасады.

Саяхат барысында балалар кітапхананың ұлттық нақышта әзірленген оқу бөлмесінде болып, А.Құнанбайұлының шығармашылығы туралы түрлі кітаптармен, ақын туралы естеліктермен танысты. Сонымен қатар, ақын өлеңдерінен үзінділер оқыған оқушылар рухани демалыс алып қайтты.