2022 жылдың тамызы айының 1 мен 19 аралығында жаңа бизнес-идеяларды іске асыруға 5 млн. теңгеге дейін қайтарымсыз мемлекеттік гранттар беру конкурсына өтінімдер қабылданады.

Өтінімдерді қабылдау Qoldau.kz цифрлық платформасы арқылы онлайн режимінде жүргізіледі. Өтінім беру үшін электрондық цифрлық қолтаңбаны (ЭЦҚ) пайдалана отырып, порталда тіркелу, өтініш нысанын толтыру және ЭЦҚ көмегімен қол қою қажет.

Жалпы, конкурсқа шағын кәсіпкерлер, оның ішінде ісін жаңа бастаған жас кәсіпкерлер, ісін жаңа бастаған кәсіпкерлер экономиканың басым секторларындағы жаңа бизнес-идеяларымен қатыса алады.

Конкурсқа қатысу үшін кәсіпкерге сұратылатын грант көлемінің кемінде 10% мөлшерінде қоса қаржыландыруы және жұмыс орнын құруы міндетті шарт болып табылады.

Бизнес-идеяның жаңашылдығы және 10% мөлшеріндегі қоса қаржыландыру талабы халықтың әлеуметтік осал топтары, оның ішінде 3-топтағы мүгедектер үшін міндетті болып табылмайды.

Қосымша ақпарат алу үшін 8 (72437) 2-31-08 нөмірі арқылы байланысуға немесе Қармақшы Аудандық Кәсіпкерлік Бөлімі кеңсесіне жүгінуге болады.