Аудандық ішкі саясат бөлімінің мемлекеттік тапсырысымен «Қармақшы Жастары» жастар қоғамдық бірлестігінің ұйымдастыруымен Жосалы кентіндегі орталық «Қармақшы ата» және Төретам кентіндегі «Жәрімбет» мешіттерінде Түркістан облысының өкіл имамы Қарақұлов Еркебұлан Қажы жамағатпен кездесті.

Кездесу барысында Еркебұлан Қажы уағыз айтып, жамағаттың көкейінде жүрген сұрақтарға жауап берді. Жалпы, уағызда өзекті діни мәселелер қозғалды. Соның ішінде: нәпсіні тәрбиелеу, исламдағы тәрбие, отбасы тәрбиесі және Пайғамбарымыз Мұхаммед с.ғ.с. мен сахабалар, тәбиғиндердің өнегелі  өмірлерінен жамағатты хабардар етті. Жиналған жамағат Еркебұлан Қажыға разылығын айтып, алғыс білдірді.