"Нағыз қазақ домбыра"

Домбыра - қазақтың киесі, қасиеті, қазынасы. Қазақ пен домбыра егіз ұғымдай. Тұңғыш Президентіміздің Жарлығымен шілденің бірінші жексенбісі Ұлттық домбыра күні болып жарияланғаны белгілі. Жыл сайын атап өтілмек бұл күннің ұлттық руханиятымызға қосар үлесі салмақты болмақ. Дала сарынын, көшпелі халықтың шежіресін шерткен көне аспап - қазақтың қасиетті құралы. Осы ұлттық мұрамызды ұлықтау мақсатында Қармақшы аудандық тарихи-өлкетану музейінің ұйымдастыруымен аудандық Жыраулар үйінде "Нағыз қазақ домбыра" атты көрме өткізілді. Көрмені Жыраулар үйінің қызметкерлері тамашалады. Сан ғасырдың сырын күмбірімен жеткізген ұлттық аспапты ұлықтау біздің негізгі мақсатымыз болып табылады.