Домбыра - қазақтың киесі, қасиеті, қазынасы. Қазақ пен домбыра егіз ұғымдай. Елбасымыздың Жарлығымен шілденің бірінші жексенбісі Ұлттық домбыра күні болып жарияланған болатын. Жыл сайын атап өтілмек бұл күннің ұлттық руханиятымызға қосар үлесі салмақты болмақ. Дала сарынын, көшпелі халықтың шежіресін шерткен көне аспап - қазақтың қасиетті құралы. Осы ұлттық мұрамызды ұлықтау мақсатында Қармақшы аудандық тарихи-өлкетану музейінде "Нағыз қазақ домбыра" тақырыбында əуез аспаптар көрмесі ұйымдастырылды. Көрме музейдің "Өлке тарихы" экспозициялық залында өткізілді. Сан ғасырдың сырын күмбірімен жеткізген ұлттық аспапты ұлықтау біздің негізгі мақсатымыз.