Елбасы Нұрсұлтан Әбішұлы Назарбаевтың Жарлығымен шілде айының бірінші жексенбісі күмбірлі әуенімен күллі әлемді таңқалдырған қазақ халқының қос ішекті қасиетті домбырасының құрметіне орай «Ұлттық домбыра күні» деп жариялаған болатын. Осыған орай еліміздің барлық өңірлерінде биыл айтулы күн алғаш рет кең көлемде аталып өтілуде.
1 шілде – «Ұлттық домбыра күні» мерекесі күні ауданымызда 3 сәби дүние есігін ашты. Жосалы кен…тінің тұрғындары Игібаева Ғазиза мен Таужанов Жалғасбектің отбасында қыз бала, Ақжар ауылының тұрғындары Қыдырәлиева Әзиза мен Ұзақов Асхаттың отбасында ұл бала және Жаңажол ауылының тұрғындары Бақытбекова Сәрсенкүл мен Қуаңбаев Амангелдінің отбасында ұл бала дүниеге келген.
Мерекеге орай аудан әкімінің орынбасары Е.Меңлібаев аудандық перзентханада болып, жаңа туған нәрестелерге аудан әкімінің ізгі тілегі жазылған құттықтау хатымен қоса қазақтың қара домбырасын сыйға тарту етіп, игі тілектерін жеткізді.