Ұлттық домбыра күні өтті
ҚР Тұңғыш президенті, Ұлт Көшбасшысы Нұрсұлтан Назарбаевтың шешімімен шілденің бірінші жексенбісі Ұлттық домбыра күні болып жарияланды. Бұл мерекелік күннің ұлттық руханиятымызға қосар үлесі салмақты болмақ. Домбыра – қазақтың киесі, қа¬сиеті, қазынасы. Бабаларымыздың көзіндей болған домбыра осы уақытқа дейін қасиетін жоғалтқан емес, жоғалтпайды да. Өскелең ұрпақ санасына ұлттық өнерімізді, ән мен күйімізді күмбірлеген қоңыр үнді домбырамен жеткізе алсақ – одан асқан бақыт бар ма?! Елдің мұңын мұңдаған, жүректің үнін тыңдаған, намысты қайрап шыңдаған, ерлік пен елдікті жырлаған қайран күмбірге толы домбыра үні!Осы ретте, қаламыздың сол жағалауында орналасқан «Жастар орталығы» жаңа ғимаратында «Қасиетті домбыра» атты мерекелік шарасы ұйымдастырылды. Мақсаты ұлт мұрасын ұлықтап, рухани сананы жаңғырту болып табылады. Жас өнерпаздарының орындауында ән, терме, күй тартылып, өз өнерлерін ортаға салды. Сондай –ақ көрермендерге көтеріңкі көңіл күй сыйлай алды.
