Өткізілген шаралар

«AMANAT» партиясы Қармақшы аудандық филиалының мәжіліс залында Саяси кеңесі Бюро отырысы өтті. Бюро отырысын аудандық партия филиалының атқарушы хатшысы Дастан Әбдібекұлы Буханов ашып, жүргізіп отырды. Күн тәртібінде 2 мәселе қаралды.

1.«Өзгерістер жолы: Әр азаматқа лайықты өмір!» атты «AMANAT» партиясының сайлауалды бағдарламасын іске асыру жөніндегі Қармақшы ауданы бойынша ЖОЛ КАРТАСЫ индикаторларының 2022 жылдың бірінші жарты жылдығы бойынша орындалуы туралы аудандық экономика және бюджеттік жоспарлау бөлімінің басшысы Ж.Ниматулланың есебін тыңдау;

2. 2022 жылдың бірінші жарты жылдығы бойынша партиялық жарналардың орындалуы және толық төленуін қамтамасыз ету туралы барлық бастауыш партия ұйым төрағаларының есептерін тыңдау;

Бюроның күн тәртібіндегі мәселелер қаралып болған соң, Жол картасының әр тармағы бойынша талдау жасалынып, орындалуына жауапты басшыларға тапсырмалар берілді. Бастауыш партия ұйымдарына өткізілетін шаралардың мерзімінде орындалуына аса қатты мән берілуін және кейбір бастауыш партия ұйымдарына жарнапұлдың уақытылы аударылуын қамтамасыз ету тапсырылды.