«Nur Otan» партиясының «Өзгерістер жолы: Әр азаматқа лайықты өмір!» атты сайлауалды бағдарламасын толыққанды және тиімді іске асыру бойынша шараларды қабылдау жөніндегі жобалау жұмысшы тобының аудандық мәслихаттағы фракция мүшелерімен бірлескен отырысы өтті. Отырысты аудан әкімінің орынбасары, жұмысшы топ жетекшісі Ж.Ерқосаев төрағалық етіп, жүргізіп отырды.
Отырысқа «Nur Otan» партиясы Қармақшы аудандық филиалы төрағасының бірінші орынбасары Д.Буханов, фракция мүшелері, аумақтық қоғамдық кеңестің төрағалары және жұмысшы топтың мүшелері және жауапты орындаушылар қатысты.
Сайлауалды бағдарламаны іске асыру жөніндегі Қармақшы ауданы бойынша Жол картасы 80 іс-шарадан тұрады. Бүгінгі отырыста Жол картасы индикаторларының орындалуы толығымен қамтылып, барлық іс-шаралар бойынша тиісті жауапты орындаушылар 6 ай көлемінде атқарылған жұмыстарының есептерін берді. Жиын соңында ай сайын жұмысшы топтың отырысын өткізу тапсырылды.