Акция жалғасуда

«Отбасының жемісі – тәрбиелі ұл мен қызы» деген, мақтан етер ұрпағымыз көбейсін. Ұрпағына мақтаныш болар қазыналы қарттарымыз көп болғай. Қазақтың әр отбасының керегесі кең, шаңырағы берік, еліміз аман, жұртымыз тыныш болсын!

Жыл басынан бері әйелдерге қатысты өткізілген әрбір зорлық-зомбылыққа қарсы акциялар барысында ауданымыздың тәртіп сақшылары қоғамдағы әйелдерге қатысты зорлық-зомбылық жасамауға, ауыр қылмыстарға бейімділік танытпауға, отбасындағы туындаған кикілжіңдерге түсінікпен қарап, ажырасуға, зорлық-зомбылыққа дейін жеткізетін мәжбүрлікке бармауға кеңес беріп отыруда.

Сонымен қатар, ұйымдастырушылық мәселелерін шешу үшін іс-шараға АПб-нің ЖПҚб-нің Әйелдерді зорлық-зомбылықтан қорғау тобымен және «Қармақшы аудандық жастар ресурстық орталығы» КММ-мен бірлесіп, жұртшылықты тарта отырып, сондай-ақ үкіметті емес ұйымдардың өкілдері қатарынан жұмыс топтары құрылып, отбасының құндылығын айқындайтын идеологиялық мақсатта ағымдағы жылдың 13 - 21 маусым аралығында өтіп жатқан «Отбасындағы зорлық-зомбылыққа жол ЖОҚ» акцияның тақырыбында жадынамалар мен буклеттер әзірленіп, адамдардың көп жүретін (демалыс саябақтарында, орталық алаңдарда, сауда орталықтарында және т.б.) жерлерде түсіндіру жұмыстары жүргізілді.