Мүгедек арбасы сыйға тартылды
"Балалар жылына" орай Қармақшы Ауданының тумасы, №183мектептің түлегі Дагиров Теңізәлі ағамыз Дәметкен Ана Орталығына 100 кг-ға дейінгі салмақта көтеретін мүгедек арбасын сыйлады. Ағамыз өзі қазіргі таңда Алматы қаласының тұрғыны, ауданда бірге оқыған достарына хабарласып: - Алматы қаласында арбаға мұқтаждар саны көп, мен өз туған жеріме қолдау көрсетсем, бір балаға болса да қуаныш сыйласам,- деп хабарласып, поездқа салып жіберген. Жалпы басына түскен адам түсінеді.
Теңізәлі ағамыздың үлкен баласын жаяу жүргіншілер жолында автокөлікпен қағып кетіп, дәл осындай арбаға таңылып, қазіргі таңда аман-есен жүріп кеткен. Әрине, ол ата-ананың зор еңбегі, қуанған әке туған жердегі балаларды оңалтуға орталығына сауапты іс жасауда. Алла ниетіңізді қабыл етсін!
Бүгін ағамыздың аманатын анасы, достары және мен орталыққа апарып тапсырдық.
Жаңа арбаға отырған балада жаңалығын сезініп қуануда.
"Қуантсаң баланы қуант" деген отбасыңызға еселеп қуанышпен қайтсын!
