» » Ораза айт мерекесі

Ораза айт мерекесі

Отыз күн ораза соңы Айтқа ұласып, оны халық болып атап өту дәстүрімізде ертеден қалыптасқан. Ораза айт елдің басын біріктіретін, күллі мұсылманның ауызбірлігі мен ынтымағын арттыратын мереке екендігімен де ерекшеленеді. Айтулы күннің шарапаты адамдар арасындағы сыйластық пен құрметті, кеңпейілділік пен  бауырмалдықты күшейтіп, имандылық тұрғысындағы жақсы істерге жетелейді. Көптеген игі шараларға мұрындық болып, қайырымдылыққа, мейірімділікке жол көрсетеді.
Осы айт мерекесі Кете аталығы азаматтарының ұйымдастыруымен "Қармақшы ата" мешітінде кеңінен аталып өтті. Оған аудан тұрғындары белсенділікпен қатысты. Мешітте дастарқан жайылып, келген қауымға ас-ауқат ұсынылды.
Айтулы мереке ауданға арнайы атбасын тіреген ҚМДБ-ның Қызылорда бойынша өкілі Болатбек Ұласқанұлының жергілікті тұрғындарды ораза айт мерекесімен құттықтап, жылы лебізін білдірді.
Іс-шараны белгілі жырау, айтыс өнерінің саңлағы Серік Ідірісов жүргізіп, салт-дәстүрімізге сай ғибратты сөздер, рухани әңгімелер айтты.
Басқосуда аудан әкімі Әділбек Ерсұлтанов, аудандық мәслихат хатшысы Әділ Қошалақов, сондай-ақ Сержан Наметша, Сағатбек Сүлейменов, Бақытбек Бектібаев, Сақтапберген Медеуов, Амангелді Ақжігітов, Орынбасар Сариев, Берік Саймағанбетов, тағы басқалары сөз сөйлеп, қармақшылықтарды айт мерекесімен құттықтады.
Іс-шарада түрлі спорттық сайыстар ұйымдастырылып, аудан жастары қол күрес, қошқар көтеру, арқан тартыс, ләңгі тебу, асық ату секілді ұлттық ойындардан өзара бақтарын сынады. Қарсыласынан оза шапқан жеңімпаздарға бағалы сыйлықтар табыс етілсе, 10 отбасыға азық-түлікпен көмек көрсетілді.
Салтанат соңында қазақы дәстүрмен қонақтардың иығына шапан жабылып, өмірден өткен ата-бабалар рухына Құран бағышталды.

"Қт" ақпарат
04 мамыр 2022 ж. 599 0

PDF нұсқалар мұрағаты

№24 (10289)

23 наурыз 2024 ж.

№23 (10288)

19 наурыз 2024 ж.

№22 (10287)

16 наурыз 2024 ж.

Суреттер сөйлейдi

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031