ОРАЗА АЙТ МЕРЕКЕСІ
Бүгін исі мұсылман қауым үшін Рамазан айы аяқталып, қасиетті Ораза айт басталды. Бұл күні әрбір мұсылманның шаңырағында дастархан жайылып, қонақтар шақырылады. Ренжіскен адамдар татуласып, қайырымды іс жасаған әрбір мұсылманға Алладан үлкен сауап жазылады.
Рамазан – береке мен бірлік, қайырымдылықтың айы болса, Ораза айт адамдардың жан дүниесін қуанышқа бөлейтін, Ұлық мереке деп саналады.
Осыған орай Қармақшы ауданы әкімінің орынбасары Ж.Сүйеубаев Жосалы кентіндегі «Қармақшы ата» атындағы мешітте болып, Айт намазына жиналған жамағатты Ораза Айт мерекесімен құттықтады.
Ораза айт мерекесіне орай «Қармақшы ата» мешітінің бас имамы Ж.Әбенов жамағатқа уағыз айтып, Айт намазын оқыды.
