ПАРТИЯ ФИЛИАЛЫНЫҢ ТӨРАҒАСЫ АУДАН ТҰРҒЫНДАРЫН ҚАБЫЛДАДЫ
«Нұр Отан» партиясы аудандық филиалының төрағасы, аудан әкімі Мақашов Сұлтан Ысқақұлы аудандық партия филиалының қоғамдық қабылдау бөлмесінде аудан тұрғындарының жеке өтініш-тілектері бойынша қабылдау жүргізді. Қабылдауда болған Жосалы кентінің тұрғындары Д.Ерғалиева мүгедектікке өту жөнінде, М.Досмаханова, А.Аманов тұрақты жұмысқа орналасу мәселесі, А.Төлеубаева мемлекет тарапынан көп балалы аналарға берілетін жәрдемақыны алу жөнінде болды. Тұрғындардың сұрақтарына аудандық партия филиалының төрағасы тиісті жауаптарын беріп, кейбір мәселелер дер кезінде оң шешімін тауып жатты.
