Утилизация алымы бір рет қана төленеді және болашақта көлікті утилизациялау үшін пайдаланады. 
Экология министрлігінің статистикасына сүйенсек, 2016 жылдан 2021 жылдың қыркүйегіне дейін мемлекетке 614 млрд 488 млн утилизация алымы түскен. 
Алымды есептеу үшін коэффициентті (көлік қозғалтқышының көлемі мен авто категориясына қарай) базалық мөлшерлемеге (АЕК мөлшеріне қарай) көбейтеді. 
Базалық мөлшерлеме 50 айлық есептік көрсеткішке тең. 2022 жылы АЕК өскендіктен, базалық мөлшерлеме 153 150 теңге болып бекітілді. 
Мысалы, 2022 жылы қозғалтқыш көлемі 1 000 шаршы сантиметрге жетпейтін жеңіл көліктің утилизациялық алымы 459 450 теңгеге, ал 400 аттың күші бар комбайнға салынатын алым 13 783 500 теңгеге тең.