Судағы қауіпсіздікті сақтайық!
Құрметті ата-аналар! Бала бауыр етіміз деп бекер айтпаған. Жас балалардың суға шомыла білмеуі, судағы қауіпсіздік ережелердің сақталмауы, баланың үлкендерсіз су айдынына баруы орны толмас қайғылы жағдайларға алып келуі әбден мүмкін.
Қазір балалар жаз маусымындағы демалыста болуына байланысты ата-аналарының қасында болғандықтан баланың қауіпсіздігіне мұқият болуды сұраймыз.
Баланың бойына жеке қауіпсіздігін сақтау дағдыларын үйретіңіздер, балалармен әсіресе үлкендерсіз суға шомылудың қауіптілігін түсіндіріңіздер, баланың бос уақыты мәселесін шешуге тырысыңыздар.
Судағы жүзу мен ойындар қызықты болғанымен баланың өмірі мен денсаулығына қауіп туғызады. Балаңыз су айдындарында болған уақытта одан бір минутта көз алмаңыз. Басқа нәрсеге алданбаңыз. Балаларға жалғыз шомылуға, сонымен қатар білмейтін жерлерге сүңгуге болмайтынын міндетті түрде түсіндіріңіз.
Есте сақтаңыздар!
Судағы апаттан қорғанудың ең сенімді жолы – суда шомылу ережелері мен қауіпсіздік шараларын қатаң сақтау.
Қармақшы АПб ЖПҚб
