Жазғы демалыста абай болған жөн

Міне 2020-2021 оқу жылы аяқталып, балаларымыз жазғы демалысқа шықты. Жасөспірімдермен жасалатын құқық бұзушылықтар жаз мезгілінде артады, балаларға қатысты қайғылы оқиғаларда жаз мезгілінде көптеп орын алатыны жүргізілген статистикадан белгілі. Сондықтан жазғы каникул кезінде балалардың қауіпсіздігін сақтауға аса қатты көңіл бөлуіміз қажет.

Балалар үшін жазда қауіпсіздікті қамтамасыз ету, ең алдымен –ата-ананың міндеті. Баланың жолдағы қауіпсіздігі, су айдындарына жалғыз жібермеу, баланың ғаламтордағы қауіпсіздігі барлығын бақылауда ұстаған жөн. Балаға үнемі қауіпсіздік ережелерін үйретуді сұраймыз.

Осы орайда, аудан тұрғындарына Қармақшы ауданының Полиция бөлімінің Жергілікті полиция қызметі бөлімшесінің Ювеналды полиция тобының қызметкерлерімен дайындалған қауіпсіздік ережелері көрсетілген жадынамалар тарату арқылы құқықтық түсіндіру шаралары атқарылуда.