Covid-19 инфекциясының жаңа штамм түрінің табылуына байланысты карантиндік шараларды күшейту жайлы аудан әкімдігінде жедел штаб отырысы өтті.

Қармақшы ауданы әкімінің орынбасары Ж. Омаров төрағалығымен өткен жиынға комиссия мүшелері мен мониторингтік топ жетекшілері, дербес бөлім басшылары, тиісті сала мамандары қатысты.

Аудан көлеміндегі қазіргі ахуалға байланысты сөз алған аудандық санитарлық – эпидемиологиялық бақылау басқармасының басшысы Г. Төлепбергенова қазіргі жағдайды баяндап, жүргізілген жұмыстардың талдау қорындыларына тоқталып өтті.

Жедел штаб отырысы барысында аудан әкімінің орынбасары коронавирустық инфекцияның алдын алу жұмыстарын күшейтуді және тұрғындар арасында вакцинациялау шараларын түсіндіруді тиісті сала басшыларына тапсырды.

Сонымен бірге «Ашық» жобасына байланысты ойын-сауық орталықтарында тұрғындар көп шоғырланатын жерлерде орнатылуын қамтамасыз ету мен мониторингтік топтардың қызметін үйлестіруді жүктеді.