Биологиялық қауіпсіздік проблемаларының ғылыми-зерттеу институты 15 маусымда QazCoVac-P қазақстандық суббірлікті вакцинасының клиникалық зерттеулерін бастағанын хабарлады.
Бұл – клиникаға дейінгі сынақтардан сәтті өткен және өзінің қауіпсіздігін көрсеткен екінші қазақстандық вакцина.
Молекулалық биологияның заманауи технологияларын қолдану арқылы әзірлеушілер иммундық жүйе танитын SARS-CoV-2 коронавирусының RBD және N ақуыздарын шығаратын бактериялардың штамдарын ала алды.
“Вакцинаның қауіпсіздігін қамтамасыз ету үшін алынған ақуыздарды күрделі тазартудың барлық кезеңдері жүргізілді және сапа бақылауынан өтті. Олардың құрамында вирус жоқ", – делінген хабарламада.
Зертханалық жануарлардың денесінде вакцинаның екінші дозасын бұлшықет ішіне салғаннан кейін 14 тәулікте иммунитетті ынталандырды.
Айта кетейік, суббірлік вакциналар, белсенді емес вакциналар сияқты, тірі патогенді компоненттерден тұрады және қауіпсіз.
“Вакцинаның құрамындағы адъювант вакцинация алушының ағзасына теріс әсер етпей, иммундық жауапты тиімді ынталандырады. Бұл вакцинаның құрамына тек қажетті антигендер кіреді және вирустың барлық басқа компоненттері кірмейді, суббірлік вакцинадан кейінгі жанама әсерлер аз кездеседі. Вакцинаның бұл түрінің мысалдары – тұмау, В гепатиті, пневмококк, менингококк, гемофильді инфекцияларға қарсы вакциналар", – дейді ғылыми-зерттеу институты.
Институтта табысты клиникалық зерттеулер Қазақстан тұрғындарында коронавирусқа ұжымдық иммунитеттің қалыптасуын жеделдетуге көмектеседі деп атап өтті.