Алақанмен шипа берген
Жуырда «Шипалы алақан» массаж орталығының тұсауы кесілді. Заманауи құрылғылармен жабдықталған орынды ашу – Әсем Мерекованың идеясы. Оның айтуынша, бұл жер – дертіне ем іздеген жандарға алақанмен шипа береді.
Індет өршіп, екі өкпені қысқан тұста еріктілердің қатарынан көрініп, тегін укол, система салған ақ халатты абзал жанның бірі – Әсем Мерекова. Сол мезетте ол өзіне арман, мақсат қоя білді. Әрі оған жету жолында аянып қалмады. Солай ерік-жігерін бір бойына жинаған ол өз қаражатына массаж орталығын ашты. 1 адамды жұмыспен қамтып отыр. Әсілінде тұрғындарға көрсетілетін қызмет түрі де аз емес. Бағасы қолжетімді, заманауи құралдармен ауырған нүктенің үстінен түседі.– Мұнда биоэнергетикалық массажер бар. Бұл – бірнеше медициналық процедураларды алмастыратын ерекше құрал. Оның ішінде массаж, акупунктура, электрофорез бар. Бір рет пайдаланып көріп, сізге тірек-қимыл аппараты мәселесінен арылу керек екенін түсінесіз. Алдымен лимфа жүйесіндегі тоқырау, одан соң токсиндерді организмнен шығару, яки тазарту қызметі көрсетіледі. Нәтижесі бірінші процедурадан кейін бірден байқалады. Әсіресе бел ауруы, буын ауруы, аяқ-қолдың ісінуі, репродуктивті жүйеде зәрмен проблемасы барларға кеңес беремін. Бұл массаж түрі қанды тазартады, айналымын жақсартады, метаболизмді, клеткалық белсенділікті арттырады, иммунитетті нығайтады, ағзаның өзін-өзі емдеуін, вегетативті жүйке жүйесін реттейді. Ұйқы сапасын да жақсартып, ісінуді жояды. Бұдан артық салмақты да ретке келтіруге болады, – дейді Әсем Ідірісқызы.
Айта кеткен жөн, мұнда классикалық, дренажды, банкалық, Қытай нүктелік, балды, антицеллюлитті массаж түрі жасалады. Әрі балалар массажы мен бет күтімі массажы да бар. Биомассажёр құрылғысымен инсульт, остеохондроз, артрит, беттің қисаюы (нервтен), радикулит, ДЦП ауруларын емдейді. Массажбен қоса инъекциялау жұмыстарын да жүргізеді. Маманның айтуынша, балалар массажы – 1000 теңге болса, бұл ересектер үшін – 2500 теңге. Ал аппаратпен емдеу құны – 3000 теңге. Егу бойынша, бұлшықеттен – 300 теңге, тамырдан – 700 теңге шығыныңыз болса болғаны. Айта кеткен жөн, орталықта жанұялық дәрігердің терапевтік кеңесі бар. Бұл балаларға – 1500 теңге болса, үлкендерге – 2000 теңге. Осы кеңес арқылы укол, системалар салынады.Бас ауырып, балтыр сыздаса, дертке дауа, жанға шипа, бастысы – қалтаға қонымды баға қажет болса, «Шипалы алақан» массаж орталығының есігі әрдайым ашық.
Айнұр ӘЛИ
