Жерлесіміз "Жыл волонтері" атанды
Әсем Ідірісқызы – медицина саласының маманы, Қармақшы аудандық аурухананың бас акушері.
Індет алқымнан алған уақытта ол аянбай еңбек етті. Ауыр жұмысынан бөлек, ауданында «Демеу» еріктілер тобын құрды. «Уақытым жоқ!» деп ешкімнің бетін қайтармады, көмек сұрап келген жанға шипа бола білді.
Бұл – адамдықтың, кіршіксіз адамгершіліктің белгісі. Сол еңбегі ақталды да. Бүгінгі «Волонтер жылының» қорытындысында аймақ басшысы Гүлшара Әбдіқалықова Әсемге халықаралық «Жыл волонтері» сыйлығын табыстады.
