Орны бөлек марапат
Айткүл БАЛМАХАНОВА, амбулаториялық-емханалық қызметі бар аудандық орталық аурухананың дерматовенерологі және ЖИТС-ке қарсы күресу жөніндегі жауапты дәрігері:
– Биыл мен үшін жағымды жаңалығы мол ерекше жыл болды. 38 жыл бойы бір салада қызмет етудемін. Еңбек жолымды қарапайым санитар жұмысынан бастадым. Одан бергі еселі еңбегімнің бағаланғанына қуаныштымын. ҚР Президенті Қ.Тоқаевтың Жарлығымен «Ерен еңбегі үшін» атты медальмен марапатталдым. Бұл марапаттың мен үшін орны бөлек.
Президент өз Жолдауында денсаулық саласына көп көңіл бөліп, осы жылы цифрландыруға көшуге байланысты тапсырма берді. Сонымен қатар, медицина саласы қызметкерінің жалақы мөлшерінің өсуі де тың серпін әкелді.
Келер 2020 жыл әрбір отбасына денсаулық, бақыт әкелсін. Болашағымыз жастардың қолында болғандықтан, оларға жігерлі мен табандылық, абырой мен ауызбіршілік тілеймін.
