САЛАҒА КӨҢІЛ БӨЛІНЕДІ
Бақытжан НЫСАНБАЕВ,
амбулаториялық-емханалық қызметі бар орталық аудандық аурухананың бас дәрігері:
амбулаториялық-емханалық қызметі бар орталық аудандық аурухананың бас дәрігері:
Мемлекет басшысы Қасым-Жомарт Тоқаев жоғары сапалы медицина мен оның қолжетімді болуын басты назарға алуда. Сонымен қатар дәрігер мәртебесін көтеруді күн тәртібіне қоюда. Сол арқылы халыққа көрсетілетін денсаулық сапасы арттырылмақ.
Қазір барлық ғылымның цифрлануға көшіп жатқаны белгілі. Осы ретте «Цифрлы Қазақстан» бағдарламасы – денсаулық саласына тиімді.Соның нәтижесінде, бүгінгі таңда стационарда жататын науқастың электронды тіркелімі, емдеуге жатқызу порталы және емханаға бекітілетін халықтың тіркелімін әзірлеу жұмысы ыңғайлы жолға қойылып келеді. Цифрландыру бағдарламасы денсаулық сақтау жүйесімен үйге жедел жәрдем мен дәрігерді шақырудан бастап профилактикалық, диагностикалық және емдік медициналық қызметтерді толық қамтуда. Жүйеге көшкелі беріхалыққа қызмет көрсету сапасы біршама жақсарды.
Біз мемлекет басшысының медицина саласын цифрландыруға қатысты тапсырмасын жергілікті жерде барынша тез әрі тиімді етіп орындауға бар күш-жігерімізді жұмсаудамыз. Медицина саласы әлемдік өркениет көшінен қалмауы керек. Бұл тұрғыда жыл сайын дәрігер, басқа да сала қызметкерлері біліктілігін арттырып отыр.
