Қармақшы ауданының белсенді жастары, еріктілері, аға-буын волонтерлары Берік Қобланұлының қабылдауында болды. Аудан көшбасшылары орталық директорына ұсыныс пікірлерін білдіріп, 2020 жыл -Волонтерлар жылында атқарылып жатқан іс-шаралар мен жобаларды талқылады.

Отырыс барысында орталық жанынан жұмыс жасайтын еріктілер тобының жұмысы қозғалып, Қармақшы аудандық жастар ресурстық орталығының жанынан «Демеу» еріктілер тобы құрылды.

«Демеу» еріктілер тобының жетекшісі болып Мерекова Әсем Ідірісқызы бір ауыздан тағайындалды.

Қазіргі таңда еріктілер тобының базасы жасақталып, волонтерлардың 7 бағыты бойынша атқарылатын іс-шаралар жоспары бекітілуде.