Мониторингтік топтардың жұмысы пысықталды

Қармақшы ауданының әкімдігінде аудан әкімінің орынбасары Ж. Омаровтың төрағалығымен аудан көлемінде коронавирус инфекциясының алдын алу бойынша құрылған мониторингтік топтардың жұмысын үйлестіру туралы атқарылған жұмыстар пысықталды.

Жиынға облыстық санитарлық – эпидемиологиялық бақылау департаменті басшысының орынбасары Ұ. Аханаева мен сала басшылары мониторингтік топ мүшелері қатысты.

Күн тәртібінде аудан аумағында коронавирус инфекциясының таралуының алдын алу шаралы жайлы және облыстық санитарлық – эпидемиологиялық бақылау департаменті басшысының орынбасары Ұ. Аханаеваның хабарламасы тыңдалды.

Сонымен қатар жиын барысында жергілікті атқарушы органдар тарапынан мониторингтік топтардың рейдтік шараларын жүргізуді және үйлестіру орталығынан түскен ақпарат бойынша тексерілетін жеке және заңды тұлғаларды алдына ала хабардар етпестен, обьектілерде жоспардан тыс тексеруді жүзеге асыруды қамтамасыз ету мәселелері талқыланды.

Жиын соңында мониторингтік топ мүшелерінің сауалдарына сала басшылары жауаптарын беріп, ұсыныс пікірлері тыңдалды.