Аудан әкімінің орынбасары тағайындалды

Қармақшы ауданының әкімі М. Қалдарбековтың өкімімен «Қазақстан Республикасы жергілікті мемлекеттік басқару және өзін-өзі басқару туралы», «Қазақстан Республикасының мемлекеттік қызметі туралы» Қазақстан Республикасының Заңдарына сәйкес және облыстық конкурстық комиссияның хаттамалық қорытындысы негізінде 2021 жылдың 4 маусымынан бастап Қармақшы ауданы әкімінің орынбасары лауазымына Қойшыбаев Жандос Еркінбекұлы тағайындалды.

Жандос Еркінбекұлы 1983 жылы Қызылорда облысы, Қармақшы ауданында дүниеге келген.

2004 жылы – Қазақстан Ұлттық қауіпсіздік комитетінің Әскери институтында «Бөлімшелердің қызметтік – жауынгерлік іс-қимылын басқару» мамандығы бойынша және 2008 жылы - Қазақ гуманитарлық заң университетінде «Заңгер» мамандығы бойынша жоғары білім алған.

Алғаш еңбек жолын 2004 - 2013 жылдары – Алматы облысында Офицер құрамындағы келісім – шартпен жұмыс жасайтын әскери қызметші болып бастаған.

Одан кейінгі жылдары «Мұнайгазқұрылыс», «NUR-RLAST» жауапкершілігі шектеулі серіктестіктерінде және «СОП КҮЗЕТ» АҚ қауіпсіздік қызметі бойынша жұмыс атқарған.

2019 жылдың шілде айынан бастап осы уақытқа дейін Қызылорда облысының жұмылдыру дайындығы басқармасында басқару органдары және экономика обьектілерін жұмылдыру бөлімінің басшысы қызметін абыроймен атқарып келген.