Қармақшы ауданының әкімі М. Қалдарбековтың өкімімен Еркебаев Ерлан Мырзабекұлы «Қазақстан Республикасының жергілікті мемлекеттік басқару және өзін-өзі басқару туралы» Заңы мен «Қазақстан Республикасының мемлекеттік қызметі туралы» Заңына сәйкес 2021 жылдың 28 сәуірінен бастап Қармақшы ауданы әкімі аппаратының басшысы лауазымына тағайындалды.

Ерлан Мырзабекұлы 1984 жылы Қызылорда облысы, Қармақшы ауданында дүниеге келген.

2007 жылы Қорқыт Ата атындағы Қызылорда мемлекеттік университетінің «Инженер - гидротехник» мамандығы бойынша бітірген.

Алғаш еңбек жолын 2007 - 2012 жылдары Астана қаласындағы «Ана мен бала» Ұлттық ғылыми орталығында бастаған.

2013 - 2014 жылдары Қармақшы аудандық сәулет және қала құрылысы бөлімінің инспекторы;

2014-2016 жылдары Қармақшы аудандық құрылыс бөлімінің инспекторы;

2016-2019 жылдары Қармақшы аудандық жер қатынастары бөлімінің бас маманы;

2019 жылдың қазан айынан бастап осы уақытқа дейін Қармақшы аудандық жер қатынастары бөлімінің басшысы қызметін абыроймен атқарып келді.