Ауданда көктемгі егін егу жұмыстары басталды. Ақжар ауылдық округінде "Ораз ахун ЛТД" ЖШС шаруашылығындағы күріш егу алқабына алғашқы дән себілді. Оған аудан әкімі Мұса Қалдарбеков, шаруашылық төрағасы Жомарт Жалғасбаев және ауыл ақсақалдары қатысты.

Кездесуде аудан әкімі "Ауданымыз ауыл шаруашылығына негізделген аймақ. Сол үшін аудан көлемінде агроөнеркәсіпті дамыту мен егін шаруашылығындағы әртараптандыруды жүзеге асыруымыз қажет. Сонымен бірге мал азығы, картоп, көкөніс сияқты бақша дақылдарының өнімділігін жоғарылату және егін шаруашылығымен қатар мал шаруашылығына да басымдық беруіміз керек. Шаруашылық саласына жас кадрларды дайындауды жоспарлау қажет" деді.