Зағип жандарға құрмет көрсетілді

Аудандағы жастар ресурстық орталығында Наурыз мерекесі қарсаңына сорай зағип және нашар көретін азаматтармен кездесу өтті.

Аудандық ішкі саясат бөлімінің ұйымдастыруымен өткізілген кездесуге аудан әкімінің орынбасары Ж.Омаров, аудандық ардагерлер кеңесінің төрағасы Қ.Есдәулетов, әйелдер кеңесінің төрайымы К.Раева қатысып, Ұлыстың ұлы күні Наурыз мерекесімен құттықтады.

Жиында сөз сөйлеген аудан әкімінің орынбасары Ж.Омаров зағип және нашар көретін азаматтар қоғам назарынан ешқашан шет қалмайтыны жеткізіп, әрқашанда тиісті заңдылықтар аясында қолдау көрсету бағытында жұмыстар атқарылатынын атап өтті.

Зағип және нашар көретін жандарға мемлекеттің қолдауын жеткізіп, сауықтыру шараларын жүйелі ұйымдастыруда және олардың әрдайым қоғаммен бірге болу белсенділігін аттыру бағытында сала мамандары бірқатар бастамаларды жүзеге асырып келеді.