ҚОШ КЕЛДІҢ, ӘЗ-НАУРЫЗ

Шығыс халықтарына ортақ гүл көктеммен бірге келетін Наурыз мерекесін қармақшылықтар жоғары деңгейде атап өтті. Аудан халқы мен қонақтары Жосалы кентінің этносаябағында ұйымдастырылған Наурыз мерекесінің арнайы іс-шарасын тамашалап, күн мен түннің теңелетін, жер ана мен табиғат жаңғырып, жаңаратын жасампаздық мерекесінде аудан әкімі Сұлтан Мақашов көпшілік қауымды айтулы мерекемен құттықтап, жылы лебізін білдірді.

Мерекеде бесікке салу,тұсау кесу, қыз ұзату, тағы басқа әдет-ғұрып пен салт-дәстүр көрініс тапса, асық ату, қол күрес, арқан тарту, гір тасын көтеру, ләңгі тебу, қазақ күресі сынды ұлттық спорт түрлерінен сайыстар ұйымдастырылды.

Сондай-ақ, «Үздік киіз үй» байқауының жеңімпаздары анықталып, аудан әкімінің арнайы диплом, бағалы сыйлықтарымен марапатталды.