Атқарылған істің жемісті нәтижесі, жүктелген жауапкершіліктің салмағы бүгінгі маған берілген Елбасы, Партия Төрағасы Н.Ә.Назарбаевтың Алғыс хатымен бастау алғандай болды.

«Nur Otan» партиясының праймеризіне қатысуға үміткер болудан депутаттық мандатқа дейінгі аралықта көптеген жұмыстар атқарылып, партияның өзгерістер жолы әр азаматқа мүмкіндік сыйлады.Солардың бірі өзім. Өз мүмкіндігімді пайдалана отырып, еліме қызмет ету менің азаматтық парызым деп білемін. Ішкі партиялық іріктеуден өтіп, саяси додада дараланып, алдағы жоспарларды жүзеге асыру жолында мандатпен қоса міндет алдым.

«Nur Otan» партиясы «Өзгеріс жолы: әр азаматқа лайықты өмір» атты сайлауалды бағдарламасын жариялап, байыпты бағдарламаны лайықты іске асыруды алдымызға міндет етіп қойды. Жалпы алғанда жаңа бағдарлама тұғырымызда нық тұруға жеткізетін жолдарды анық көрсетті деп білемін.

Осы тұрғыда мен, өзіме жүктелген міндеттерді белсенді атқарып, партияның алдағы 5 жылға жоспарлаған бағдарламасын жүйелі жүзеге асыру жұмыстарына атсалысып, халық сенімінен шығуға жұмыс жасайтын боламын.