Тәуелсіздік құрдасымен өткен кездесу
Биыл Қазақ елі тәңірі берген Тәуелсіздігінің, арайлы азаттығының отызыншы жылына қадам басып отыр. Түп шежіресі сонау ежелгі түркіден бастау алатын «мың өліп, мың тірілген» қазақ халқы бағзы заманнан бері қаншама өзінің іргелі ел, қабырғалы қалпын, салиқалы салтын сақтап қалғаны – еркіндік сүйгіштік жігерінің, асқақ рухының арқасы.
Еліміз егемендікке ие болғаннан кейін тәуелсіз елдің топырағында дүниеге келген өрендер Егемен елмен бірге есейіп, бой түзеді. Күннен күнге қарыштап, алға басқан жас мемлекетпен жарыса өскен жас ұрпақ алдына әлде қашан бағыт-бағдар қойып, «Еркін еліме, тәуелсіз жұртыма менің тиер пайдам қандай» деген сауалдың сан жауабын да тауып қойған. Өңірлерде талабына нұр жауған, бағындырған жетістіктері толайым жастардың қатары қалың. Сондай жандардың бірі Тәуелсіздік құрдасы ауданымыздың тумасы «Сегіз қырлы, бір сырлы» – Әзиз Дүкенбаймен қалалық кітапханада «Тәуелсіздік құрдасы мен боламын» тақырыбымен сұқбат өтті.
