Жастар тәуелсіздікті жырлайды
Тәуелсіздік – бабалар аңсауы, ұрпақтың қолы жеткен киелі кезең. Тәуелсіздік – таңбасы таста, қаны қара жердің тамырында жатқан құдіретті сөз.
Еліміз Тәуелсіздіктің бесігінде тербелгелі 30 жыл толды. Отыз жыл ішінде Қазақстан етек-жеңін жиып, шекарасын бекітіп, өз алдына дербес зайырлы ел болды. Бұл атадан келе жатқан ұлы жеңістің жемісі. 1991 жылы 16 желтоқсанда егемендігін алған еліміздің өз Президенті, ұлты мен ұлысы, салты мен дәстүрі, мәдениеті мен экономикасы болды. Желтоқсанның желі мен ызғарына қарсы тұрған жастардың жалынды рухы мен ерліктерінің арқасында шаңырағы биік, керегесі кең мемлекет болып қалыптастық.Осы орайда Қазақстан Республикасы Тәуелсіздігінің 30 жылдығына орай қалалық кітапханада ұйымдастырлған «Жігер» мотивация клуб мүшелері арасында «Тәуелсіздікті жырлаймыз!» тақырыбымен патриоттық өлеңдер айту басқосуы өтті.
