Ішкі саясат бөлімінің қызметкерлері Президент Жолдауын талқылады
2020 жылдың 1 қыркүйегінде Қасым-Жомарт Кемелұлы Тоқаев Қазақстан Республикасының Президенті ретінде Қазақстан халқына «Жаңа жағдайдағы Қазақстан: іс-қимыл кезеңі» атты Қазақстан халқына Жолдауын жолдаған болатын.
Аталмыш Жолдауды талқылау мақсатында, 2020 жылдың 30 қыркүйегінде Қармақшы аудандық ішкі саясат бөлімінде актив жиналысы өтті. Жиын барысында бөлім басшысы Самат Қыдырбекұлы Жолдау бойынша бөлім қызметкерлеріне толықтай ақпарат беріп, Президент тапсырмалары мен жоспарлары жайлы ой бөлісіп, қойылған сұрақтарға жауап беріп өтті.
Сонымен қатар жиында сөз алған бөлімнің бас маманы Ғарышбек Бауыржанұлы Жолдаудағы әр бағыттың маңыздылығы жайлы сөз қозғап, оны халық арасында талқылау және орындалу барысында көптеген жұмыстар атқарылатынын айтып, бірауыздан қолдауға шақырды.
Қызметкерлер жолдаудағы аса басым бағыттарға назар аударып, өз ойларын білдіріп, бірауыздан қолдайтындарын жеткізді.
