Қармақшы аудандық дене шынықтыру және спорт бөлімінде Қазақстан Республикасының Президенті Қ.Тоқаевтың «Жаңа жағдайдағы Қазақстан: іс-қимыл кезеңі» атты жолдауын талқылауға арналған ұжымның жиналысы өтті.

Мақсаты – жолдауды насихаттап, елімізді одан әрі дамыту стратегиясымен таныстыру, қазіргі күрделі жағдайда әлеуметтік-экономикалық тұрақтылықты, жұмыс орындары мен халықтың табысын сақтап қалу екендігін жас ұрпаққа ұғындыру.

Тыңдаушылар алдында бөлім басшысы Н.Мырзабаев сөз сөйледі. Ол бұл Жолдау әрі қарай әрекет етуіне және мемлекеттің дамуына жаңа мүмкіндіктерді іздестіру үшін ең маңызды нұсқаулық екенін атап өтті. Мемлекет басшысы өзінің Жолдауында бұқаралық спортқа, дене тәрбиесіне және балаларға басымдық беру керек екендігін көрсетті.

Жиналысқа қатысушылар мемлекет басшысының жолдауын қолдайтынын жеткізді.