Нұр-Сұлтан қаласынан алғашқы көмек келді
Елдің бірлігі мен ауызбiршiлiгi осындай қиын кезде сыналады. Ел басына күн туғанда ауылдан түлеп ұшқан азаматтар бiрiгiп туған ауылына, ағайын-туыстарына қолдау көрсетуде.
Нұр-Сұлтан, Алматы, Қарағанды, Қызылорда қалаларында қызмет етiп жатқан жерлестерімiз ауылдағы ағайынға қажетті дәрі-дәрмек, медициналық құралдар жiберiп жатыр.
Бүгін Нұр-Сұлтан қаласынан Тұрмағамбет ауылының тұрғындарына 10 қорап дәрі-дәрмек жеткізілді. Оның ішінде дәл тапшы болып отырған аспирин, парацетомол, С витамині бар.
Мұның барлығы ауыл тұрғындарына таратылып, науқастардың емiне жұмсалады.
