"Кімде-кім басына қиыншылық түскен жанға көмектесіп,қайғысынан құтқарса Алла да оны қиыншылықтарынан құтқарады" деп айтылған Хадисте.

Жүрегі жомарт азамат М.Сәрсенбаев ел басына түскен қиыншылық уақытта, ел ішінде дәрі-дәрмекке мұқтаж жандарға қол ұшын созып, қолдан келген көмегін беріп аянып жатқан жоқ. 14-шілде күні Қармақшы Аудандық Орталық Ауруханасына, Сырдария ауданы Амангелді және Бесарық емханалық дәрігерлік амбулаторияларына құны 1 млн 620 мың теңге тұратын дәрі-дәрмектер жеткізді.

Алақаны ашық, жомарт жанға елдің айтар тілегі, берер батасы көп.

Осындай игі істердің басы-қасында жүретін "Достық Жер МК" ЖШС қызметкерлері Нургул Аймаханова және Айгүл Байтақовалар да уақытпен санаспай көмек қолын созуда. Барған дәрілер науқастанып жүрген біраз жанға көмек болатыны сөзсіз.