Медицина қызметкерлеріне көмек көрсетті

Кеше ІІІ Интернационал ауылдық емханасына "Абай-Дәулет"ЖШС, "Достық Жер МК"ЖШС директоры, меценат, жүрегі жомарт кәсіпкер Мұрат Абайұлы Сәрсенбаев бұл жолы ауылдағы медициналық қызметкерлерге бір реттік медициналық бетперделер (маскалар),антисептикалық препараттар және медициналық қызметкерлерге арналған қорғаныс костюмін беріп көмек көрсетті.

Осындай сын сағаттарында қолынан келгенше жасап жатқан көмегі үшін жомарт жанға ақ халатты абзал жандарымыз риза болып,алғыстарын жаудырды. Осы орайда айта кетсек аурухана дәрігері Муханбетова Зульфия және медбикелер (кезектесіп) көптен бері үйіне бармай қона жатып халыққа қызмет көрсетуде. Елі үшін аянбай қызмет етіп жатқан дәрігерлерге қолдау көрсетейік.

Карантиндік режимдегі шектеу шараларына бағынып,үйден шықпай,өзімізді күтіп,талаптарды орындаумен ғана жеңе аламыз.