Отбасына үй салып берді
ЖОСАЛЫ, 10 желтоқсан – qarmaqshy-tany.kz ІІІ Интернационал ауылдық округінде тұратын баспанаға мұқтаж Абдулқасымқызы Назымға яғни оның отбасына қайырымдылық жасап "Достық Жер МК", "Абай-Дәулет" ЖШС директоры Мұрат Абайұлы өз қаржысы есебінен, соңғы заманауи үлгідегі үй салып берді, деп жазады .Р.Тұрманова.
Мінеки енді сол шаруашылық басшысы, жомарт жүректі жан Марат Абайұлы өз ұжымындағы бір топ азаматтарымен ауыл әкімі А.Омаров, ардагерлер кеңесі төрағасы, әйелдер кеңесінің төрайымы Назымның отбасына "Жаңа қонысына"құтты болсын айтып бардық.Құшақ жайып қарсы алған Назымның ата-анасы риза болып,ақ дастархан басына шақырды.
Дастархан басында Мұрат Абайұлы бастаған әдемі тілектер,жылы сөздер айтылды.Назымның әкесі Абдулқасым ағай өз сөзінде:-"өңім бе,түсім бе,не күлерімді,не жыларымды білмейм,өте қатты қуаныштымыз отбасымызбенен, осындай жаңа баспана салып берген басшы әрі кәсіпкер жомарт жүрек азаматқа алғысымыз шексіз, Алланың нұры жаусын" деген ақ жүректі лебізін жеткізді.Келген қонақтарға мәз болған Назым өзінің репертуарындағы әндерінің бірі "Туған жер"әнін тамылжыта айтып берді.
