ТУҒАН ӨЛКЕНІ ТҮЛЕТКЕН АЗАМАТ
«ЖОМАРТ ЖҮРЕК» СЫЙЛЫҒЫНЫҢ «ТУҒАН ӨЛКЕ» НОМИНАЦИЯСЫНА Мұрат Абайұлы Сарсенбаев лайық деп танылды. ОЛ «Абай Дәулет» ЖШС, «Достық жер МК » ЖШС директоры. «Абай Дәулет» ЖШС ІІІ Интернационал ауылын абаттандыруға, жарықтандыруға және экономикалық ахуалын көтеруге мол қаржы жұмсаған.
Ауыл орталығына балалар ойын алаңы мен жаттығу құрылғыларын орнатып, шаруашылықтың бұрынғы басшысы Миляр Арифовтің үйін жаңадан салып, отбасына "Нива" автокөлігін сыйға берген.
Шаруашылыққа жаңа техникалар алынған. Серіктестік спорттық-мәдени шараларға да демеушілік жасап, мектепті жаңа спорттық құрал-жабдықтармен қамтамасыз еткен. 2018 жылы «Үздік демеуші» номинациясы бойынша Сырдария ауданы әкімінің марапатымен, 1 дәрежелі «Еңбек даңқы» орденімен, «Қызылорда қаласының 200 жылдық мерейтойы» төсбелгісімен, 2019 жылы өткен «Қазақстанның үздік тауары» өңірлік көрме байқауында «Үздік азық-түлік тауарлары» номинациясының жеңімпазы атанған.
