«Dalatex» жеңімпаз атанды

Астанада «Қазақстанның үздік тауары» республикалық көрме-байқауы жеңімпаздары марапатталды. «Өндірістік мақсаттағы үздік тауарлар», «Халық тұтынатын үздік тауарлар», «Үздік азық-түлік тауарлары» номинациялары бойынша үш жеңімпаз анықталды.
«Үздік» атағы үшін биылғы жылы өңірлік кезеңдердің 153 жеңімпазы күресті. Өндірістік мақсаттағы үздік тауарлар - «DOLCE» ЖШС (Алматы облысы), «Зерде – Керамика» ЖШС (Шымкент қ.), «Медидез» НПО  ЖШС (Қостанай облысы);
Халық тұтынатын үздік тауарлардың қатарында  «West Line doors» ЖШС (Ақтөбе облысы), «Caspiy Lana Atyrau» ЖШС (Атырау облысы), «Dalatex» ЖШС (Қызылорда облысы) мекемелері болды. Ал «Үздік азық-түлік тауарлары» аталымына «Шин Лайн» ЖШС (Алматы облысы), «ViZaVi Company» ЖШС (Солтүстік Қазақстан облысы), «Danone Berkut» ЖШС (Алматы облысы) ілікті.
Әр номинацияда жеңімпаздар дипломдар мен естелік эмблемаларға ие болды.

Дәулет ҚЫРДАН.