Мәжілісмендер Елбасының үндеуіне қатысты пікір білдірді
Қазақ үні Мемлекет басшысының бүгінгі мәлімдемесі Парламентте де қызу талқыланып жатыр.
Мәжіліс депутаттарының айтуынша, көтерілген 5 бағыт ең алдымен әлеуметтің әлсіз тобына және жастарға айтарлықтай көмек болмақ.
Қуаныш Сұлтанов, ҚР Парламенті Мәжілісінің депутаты:
- Бұрын да жасалып жатқан кейбір шаруалар бар. Бірақ оған «ең төменгі жалақы қалай, ең жоғары жалақы қалай» дейді де, көп жағдайда жастар тұйыққа тіреліп қалады. Міне, қазір соның барлығына жол ашылып тұр.
Бақытгүл Хаменова, ҚР Парламенті Мәжілісінің депутаты:
- Жасқа да, жасамысқа да керек мәселе – тұрғын үй мәселесі. 7-20-25 деген бағдарлама болатын болса, 7 пайызбен төмен алып, 25 жыл мерзімге дейін алу әрбір отбасына үлкен қолдау, демеу болатыны анық.
