ДІНИ ЭКСТРЕМИЗМ МЕН ТЕРРОРИЗМНІҢ АЛДЫН АЛУДАҒЫ ҚОҒАМДЫҚ ИНСТИТУТТАРДЫҢ РӨЛІ

Бүгін, аудандық Шәмшат Төлепова атындағы аудандық мәдениет үйінде «Діни экстремизм мен терроризмнің алдын алудағы қоғамдық институттардың ролі» тақырыбындағы конференция өтті.

Шараға аудан әкімінің орынбасары Е.Меңлібаев, аудандық ардагерлер кеңесінің төрағасы Қ.Есдаулетов, Қ.Яссауи атындағы халықаралық қазақ-түрік университетінің доценті С.Оразбай, Қызылорда қаласының «Нұр» мешітінің ұстазы, облыстық ақпараттық түсіндірме тобының мүшесі Б.Убаев және ҮЕҰ, БАҚ өкілдері, білім беру ұйымдарындағы дін тану пәнінің мұғалімдері мен тұрғындар қатысты.

Конференцияны аудан әкімінің орынбасары Е.Меңлібаев ашып жүргізіп отырды.

Әрі қарай шара барысында «Деструктивті діни ағымдардың алдын алудағы дәстүрдің орны», «Деструктивті ағымдардың алдын алудағы діни сауаттылықтың рөлі», «Дін – қоғамның рухани негізі», «Ислам дінінің құндылықтары» тақырыптарында баяндамалар оқылып, соңында аудан әкімінің орынбасары Е.Меңлібаев жиналған қауымға алғысын білдіріп қорытындылады.