Қарағанды облысында құлаған ұшақтан екі сарбаз зардап шекті, деп хабарлайды ҚазАқпарат.

Қарағанды облыстық денсаулық сақтау басқармасының хабарлауынша, оқиға салдарынан зардап шеккен екі ұшқыш санавиациямен Х.Ж.Мақажанов атындағы клиникаға жеткізілді. Зардап шегушілердің бірінің жағдайы қанағаттанарлық, екіншісі орташа ауыр халде. Қажетті ем алып жатыр.

Нұр-Сұлтаннан тікұшақпен командалық құтқару тобы мен полковник Топаев ұшып шықты. Ұшқыштарды Казавиаспас мекемесінің ұшағымен қалаға алып бара жатыр.