Кентте тәртіп күшейтілді (фоторепортаж)

ЖОСАЛЫ, 9 сәуір – qarmaqshy-tany.kz "Кешкі сағат 18.00-ден кейін жүруге болмайды!" Міне, бұл көшеде жүруге тыйым салған тәртіп сақшыларының сөзі. Расымен бей-берекет кент көшелерінде жүре алмайсыз. Тек арнайы рұқсат қағазыңыз болса әрине. Онда да әрлі-берлі кезуге рұқсат жоқ. Күні кеше Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті бекіткен №7 қаулысында, 8 сәуірден 22 сәуірге дейін карантиндік режимде шектеу қойылып, тыйым салу шаралары жарияланды. Осыған орай кенттің полиция қызметкерлері көшеде жүрген кент тұрғындарын және автокөлік жүргізгендерді тоқтатып үйлеріне қайтарды. Бұл сақтық шарасы күнделікті қатаң бақылауға алынған.