» » Түтіні жоқ темекіде никотин 100 есе көп

Түтіні жоқ темекіде никотин 100 есе көп

Күн сайын темекі өнімдерін өндірушілер жаңа тауарларды ұсынып отыр. Қоғамдық орындарда темекі шегуге тыйым салуға байланысты соңғы кездері «снюс» деп аталатын шайнайтын темекі түрі кеңінен таралуда. Еліміздің сауда сөрелерінде жақында ғана пайда болған зат жастар арасында сұранысқа ие болуда.

Осыған орай Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті, облыстық полиция департаменті, облыстық білім басқармасы мен жастар денсаулық орталығы мамандарынан арнайы жұмысшы топ құрылды. Аталмыш жұмысшы топ қаладағы барлық оқу орындарына барып, снюсті пайдаланудың адам денсаулығына қауіптілігін түсіндіруді мақсат етеді.
Жұмысшы топтың алғашқы шарасы қаладағы М.Мәметова атындағы жоғары педагогикалық колледжінде өтті. Кездесу барысында оқу орны студенттеріне снюсті қолданудың зиянды әсері және қауіп салдарлары түсіндірілді. Түтінді шылымда 1,5 милиграм никотин болса, снюстың құрамында оның мөлшері 250 милиграмға дейін бары анықталған. Бұл мөлшерден 100 есе көп. Осыған байланысты Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінің маманы бас санитар дәрігердің құрамында нормадан көп никотины бар кез-келген тауарды пайдалануға, таратуға уақытша шектеу қоятын қаулысымен таныстырды. Сонымен қатар снюстің адам денсаулығына зияндылығы мен қауіптілігі туралы ақпараттар жазылған жадынамалар таратылды.

Қызылорда облысының тауарлар мен көрсетілетін қызметтердің
 сапасы мен қауіпсіздігін бақылау департаменті
17 қаңтар 2020 ж. 642 0

PDF нұсқалар мұрағаты

№24 (10289)

23 наурыз 2024 ж.

№23 (10288)

19 наурыз 2024 ж.

№22 (10287)

16 наурыз 2024 ж.

Суреттер сөйлейдi

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031