ЖОСАЛЫ, 3 сәуір – qarmaqshy-tany.kz Бүгін аудан орталығындағы адам көп жиналатын орындардың бірі – темір жол вокзалында коронавирустық инфекцияға қарсы дезинфекция жұмысы басталды. Халық денсаулығын сақтау және қауіпсіздігін қамтамасыз ету мақсатында темір жол вокзалы ғимаратының ішкі және сыртқы жақтары, оған қарасты бөлімдердің барлығы, базар айналасы, көшелер тазаланды. Бұл жұмыстар алдағы уақытта жалғасын табады.

Одан бөлек блок бекеттерде тәртіп шарасы күшейтілді. Сырттан келгендер тек кент тұрғыны болған жағдайда жеке куәлігі тексеріліп кіргізілуде. Ал басқа ауданның азаматтарына кіруге рұқсат жоқ.