Сенбілікке 2 ай: Нәтиже қандай?
ЖОСАЛЫ, 12 қараша - qarmaqshy-tany.kz Аудан әкімінің «Аудан елді мекендерінде көркейту, көгалдандыру және санитарлық тазалықтың екі айлығын өткізу туралы» 04.09.2019 жылғы №266-ө/нқ өкімін жергілікті жерде іске асыру мақсатында Жосалы кентінде көркейту, көгалдандыру және санитарлық тазалықтың екі айлығын өткізудің іс-шара жоспары жасалынып, мекемелерге көшелер мен саябақтар бекітілген болатын, деп жазады Жосалы кентінің әкімшілігі
Жосалы кентінде 7 қыркүйек-9 қараша аралығында 10 рет сенбілік ұйымдастырылып, оған барлық мемлекеттік мекемелер мен кәсіпорындар тартылды.Олар әр сенбі сайын өздеріне бекітілген аймақта сенбілік жұмыстарын жасап, кент орталығының тазалығын қалыпқа келтіру бағытында үлестерін қосты.
Нәтижесінде 78 мекемеден 753 адам қатысты. 7,5 км аяқ су арықтарының іші тазартылып, 3610 м темір шартақтар сырланды. Көшелер мен саябақтардағы 2342 дана ағаштың түбі ақталып, қосымша 290 түп көшет отырғызылды. Аудан орталығындағы 771 тұрғын үйдің сырты әктеліп, 788 м3 күл-қоқыс сыртқа шығарылды.
Жосалы кентінің тазалығын қамтамасыз ету кент әкімінің басты назарында тұрған ауқымды жұмыстардың бірі. Сондықтан, осы бағыттағы жұмыстар тек қана айлық барысында ғана емес жыл көлемінде үздіксіз жүргізіле беретін болады.
