Сауда үйлеріне мониторинг жасалды

Аудандық партия филиалының Партиялық бақылау комиссиясы аудан орталығындағы бірқатар ірі сауда үйлеріне мониторинг жасады. Ең басты міндет санитарлық тазалықты қадағалау, тауарлар бағасының тұрақтылығын бақылау. Сауда орталық иелері төтенше жағдайға байланысты белгіленген уақыт аралықтарында жұмыс жасап жатқандықтарын және де дүкен тазалығы тұрақты түрде жүргізіліп жатқандығын жеткізді. Бұл жұмыстар алдағы уақытта да жүргізіле береді.